MNF Thalai-in SIPMIU kaltlanga Aizawl khawpui bawlhhlawh paihna tur lirthei 50 lei chu a man pangngai aia to uchuak taka lei a nih thu an sawi, UD&PA Minister pu Zodintluanga insawifah an phut

0
293
views

MNF |halai-in SIPMIU kaltlanga Aizawl khawpui bawlhhlawh paihna tur lirthei 50 lei chu a man pangngai aia to uchuak taka lei a nih thu leh he thilah hian UD&PA Minister, Pu Zodintluanga chu a inhnamhnawih ngei nia an hriat thu sawiin, insiawfiah turin an phut.

Aizawl Press Club-a thuthar lakhawmtute an kawmnaah an pawl vice president, Pu H. Ramdinliana chuan, heng lirthei lei tur hi Quation hmanga thlan niin, an lirthei duh ang hi TATA chauhin a neih avangin LPK Truck a hring leh a pawl 25 ve ve lei a ni tih a sawi a. A rawng hring 25 leina hi nikum July ni 5 khan cheng 4,45,68,710 leh August ni 17-ah cheng 85,06,290 pek niin, a vaia a man hi cheng 5,30,75,000 a ni a. A pawl man chu nikum july ni 16-ah cheng 4,96,97,250 pek a ni a, a hring hi pakhat cheng 21,23,000 a lei a nih laiin, a pawl hi pakhat cheng 19,87,890 a lei a ni thung a, a man inthlauhna hi cheng 1,35,110 lai a nih thu leh a rawng inan loh vang maia a man inthlau lutuk chu thil mak tak a nih thu leh a man to uchuak taka lei a ni chu Minister remtihna lo chuan tih chi nia an ngaih loh thu sawiin, a rawng inan loh vanga a man inthlauhna hi cheng 33,77,750 lai a nih avangin manhla tham hle a an hriat thu a sawi. Pu H. Ramdinliana chuan, SIPMIU in lirthei a leite chu a man pangngaiah cheng 9,80,000 vel nia sawiin, tipper body pangngai lei lovin a aiah Plain sheet pangngai hmanga a body zawm sei a nih thu a sawi a. An hmanraw hman chu a man tito phah tur nia a lan loh thu leh, a nihna takah chuan tlawm phah zawk tur nia an ngaih thu a sawi a. Heng LPK Truck 50 leinaah hian a lo berah chng vbch 5 aia tlem lo a luang ral nia an ngaih thu leh heng sumte hi khawiah nge a awm tih UD&PA Minister chu an zawt a, heng thil dik lo ni ngeia lang hi chhui chhuak tur leh a mawhphurtute hrem turin Sorkar an phut tih a sawi. MNF |halai hruaitute chuan, Aizawla motor Body satute an kawm kualnaah SIPMIU in a lei ang chiah hi cheng nuai 3 vela an sak theih thu an hrilh nia sawiin, hetiang a nih chuan lirthei pakhat hi cheng nuai 10 aia to tur a ni lova, hetiang a nih laia pakhat cheng nuai 21 leh nuai 19 vela an lei chu an hrethiam lo hle tih sawiin, heng lirtheite hi Aizawla lei ni si, Delhi lama a Body sak tir anga sawi a ni leh Motor bangah Aizawl-a sak ang intar awm leh si chu mak an ti a, he thila thil dik lo inphum nia lang chu rang taka man chhuak a, hremna lekkhawh turin Chief Minister an phut tih an sawi.