Champhai Bawrhsap-in truck ke 6 aia tam nei chi tlan khap, motor-te huam ve lo

0
524
views

Champhai Bawrhsap, Pu Vanlalngaihsaka chuan a thupek chhuah hmasak hman theih hun ral hnu, tun thla ni 4 atanga thla hnih chhung hman zui atan Champhai District pum huapin truck, ke 6 aia tam nei chi tlan a khap a, amaherawhchu, mipuite ni tin khawsakna mamawh phur chi, motor-te erawh chu he khapna thupek hian a huam ve lo ang. Motor lian, ke 6 aia tam nei chi Champhai District-a tlan luh khap a nihna chhan hi motor lian rit tak takin kawng an dai chhiat loh nan leh Seling-Champhai-Zokhawthar kawng, National Highway 6, PWD-in a siam mek tihbuai a nih loh nan te, kumin October ni 17 leh 19 inkara Champhai Zotlang Field-a YMA General Conference neih tur atana tluang taka inbuatsaih theih nan a ni.