Champhai District-a Assembly bial hrang hrangah nimin thleng khan Party hrang hrang candidate 10-in an din tumna bial \heuh atan Returning Officer te hnenah an hming an pe lut tawh.

0
291
views

Heng mite hi Champhai South-a MNF candidate ding tur, Pu TJ Lalnuntluanga leh he bial veka ZPM Candidate, Pu C. Lalremliana te an ni a, an nomination paper hi Returning Officer, Dr. Naveen Agarwal office-ah an thehlut a ni. Champhai North biala MNF ticket-a ding Dr. Thiamsanga leh he bial bawka dinga tur ZPM Candidate Pu Lalchhawnthanga te chuan RO Pi Ethel Rothangpuii office-ah an hming an pe lut a ni. Tuichang biala ZPM Candidate, Pu W. Lalchhuanawma leh he bial veka MNF ticket-a ding, Pu Tawnluia te pawhin RO, Pu K. Vanlal\hiana office-ah an hming pe lut a ni. Lengteng biala MNF ticket-a ding, Pu L. Thangmawia leh he bial veka ZPM Candidate, Pu Ginzalal te pawn RO, Pi Ethel Rothangpuii office-ah an hming an pe lut a, East Tuipui biala MNF ticket-a ding tur, Pu R. Ramthanmawia leh he biala ZPM Candidate, Pu C. Lal\anpuia ten RO, Pu Abraham Beirazi Kithie hnenah hming an thehlut bawk.