Champhai District-a Vaphai khuain vawiin khan an khuain buh an thar \ha leh Sorkar a\anga Tractor thar an dawn an lawm a. A hmanpuitu Agriculture Minister, Pu KS Thanga chuan, kuthnathawktute chu Mizoram mipui zaa 60 aia tam an nih thu sawiin heng mite hi Sorkar-in a ngaipawimawh a ni a ti a. Kuthnathawktute chu khawl leh hmanraw changkang ber ber hmanga thuamin, an sorkar chhungin leilehna atana hman tur tractor ringawt pawh 102 an pe chhuak tawh tih a sawi a, tunah hian 30 dang sem lehna tur pawisa tihfel vek tawh a ni a ti bawk. Vaphai leh Saikhumphai leiletah te buh quintal 1,870 vel thar \hin a ni a. Ram hectare 94.80 a zau leilet siam a ni tawh a, an buh thar zawng zawng hi an khaw tlangin thla 4 chhung an kham khawp vel a ni. Bialtu MLA, Pu T. Sangkunga pawhin thu a sawi a, Sial talhin khawtlangin ruai an \heh a ni.
