Vice President, Pu M. Venkaiah Naidu-a’n vawiin khan lehlangin Mizoram a lo tlawh

0
563
views

Vice President, Pu M. Venkaiah Naidu-a’n vawiin khan lehlangin Mizoram a lo tlawh a, Mizoram University-a Academic and Seminar Complex hawngin, Mipa leh Hmeichhe Hostel sakna tur lung a phum bawk.

Hemi puala inkhawm Tanhril-a Mizoram University Auditorium-a neihah Vice President chuan, \hangthar zel ten nun nuam zawk an neih theih nan mahni hnam nunphung leh pathian thilthlawn pek kan dawnte humhalh thiam a pawimawh tih a sawi a. Mizoram chu a leilung, thing leh mau, boruak, sik leh sa te duhthusama \ha a ni a, hei hi duhtawk mai lova hnam ziarang leh nunphung humhalh thiam a pawimawh a ni a ti. Vice President chuan, khawvel \hangchho zel mila ke pen rualin mahni hnam nunphung theihnghilh lova vawnhim thiam a pawmawh a, ram dang tih dan leh an \awng te entawn rualin mahni pianpui \awng thiam tura inven a ngai a, mahni pianna ram hlutna vawnghim tura \anlak a \ul a ni a ti a, Internet kaltlangin thiamna chi hrang hrang puakchhuah theih a nih rualin zirtirtute ngaihhlut nachang hriat a ngai tih a sawi. Pu M.Venkaiah Naidu chuan, Mizoram chu state ralmuang berte zinga mi a nih angin hmasawnna pawh a thleng mek niin a sawi a, Sorkar laipuiin faina leh thianghlimna kawnga hmalakna atana Swachch Bharat campaingn a buatsaih-ah Mizoram chu a ti\ha berte zinga mi a ni chu thil lawmawm tak a ni a; faina hian hriselna a keng tel a, mi hrisel chu an taihmak \hin avangin ram leh hnam hmasawnna tura thawk thei tur mi an pung dawn tihna a ni a ti.

Larsap

, Lt. General Nirbhay Sharma pawhin, Vice President-in nikum
August thlaa office a luah a\anga kum khat pawh ral hmaa Mizoram a lo tlawh nghal chu lawmawm a tih thu sawiin,

Mizo mipuiten an ngaihlu hle a ni, a ti a. Mizoram University chu University naupangte ni mah se,

Mizoram zirna tih hmasawn kawngah nasa takin hna a thawk tawh tih a sawi. Lt. General Nirbhay Sharma chuan, Mizoram chu India-a State ralmuang ber a nih piah lamah leilung boruak a \ha a, hei hi Mizoram chakna bulpui a ni tih sawiin, a chhunga cheng mipui tam zawk lehkha thiam an ni chuan a tinuam lehzual a. Aizawl chu hmun chep taka awm ni mah se, State dang anga bengchheng khawpa lirthei horn tihrik a ni lo leh Faina leh thianghlimna an ngai pawimawh chu thil \ha tak a nih thu a sawi a. Hetihrual hian, Mizo mipuite chuan nunphung hrisel zawk an zawh a ngai tih sawiin Larsap chuan, zuk leh hmuam, zu leh ruhhlo laka fihlim tur leh HIV/AIDS vanga harsatna tawk lo tura an inveng turin \halaite a chah a ni.

Inlawmna thu sawitu MZU Vice Chancellor, Prof. KRS. Sambasiva Rao chuan, Mizoram University-in hma a sawn theih nan Medical College leh damdawi in changtlung tak ngaihtuah sak turin Vice President chu a ngen a. Mizoram chu Cancer vei tamna a nih avangin Cancer Hospital din tur te, AIDS/HIV veite enkawlna hmun leh a titlem tura hmalakna tur te, inkalpawhna changtlung zawk a awm theih nan thlawhtheihna, Rel leh Motor kawngpui tichangtlung tur leh Lungleiah Mizoram Uiniversity Southern Campus din a nih theih nante hmalakpui turin a ngen a bawk. He inkhawmah hian Vice President, Pu M. Venkaiah Naidu hi Mizoram Sorkar aiawhin Finance Minister, Pu Lalsawta’n a \awimawm a, Mizoram University Registrar, Pu C. Zothankhuma pawhin thu a sawi bawk.

Vice President, Pu Venkaiah Naidu hian tukin dar 9:10 khan Lengpui |umhnun lo thlengin, hetah hian School Education Minister, Pu H. Rohluna leh mi pawimawh dang ten an lo dawngsawng a. Lengpui a\ang hian Helicopter-in |huampui Helipad a pan a, he tah hian Larsap, Lt.Gen Nirbhay Sharma, Finance Minister Pu Lalsawta, Chief Secretary, DGP leh mi pawimawh dang ten lo dawng sawngin, Sipai chawimawina pek a ni a. Heta \ang hian Tanhrila Mizoram University Campus panin, University Grands Commission leh Northeastern Council sum hmanga Mipa leh Hmeichhe Hostel sakna tur lung a phum a, hemi hnu hian Academic and Seminar Complex sak thar a hawng bawk. Hemi puala inkhawm neih zawhah Vice President hian Raj Bhavan lam panin chawchhun a ei a, mipawimawhte nen an inkawm hnuah Lengpui \umhmun a\angin New Delhi lam panin a haw leh nghal a ni.

Vice President, Pu M. Venkaiah Naidu-a’n lehlanga Mizoram a lo tlawh chhunga buaina leh harsatna siam zawnga khawsa an awm lo chu lawmawm a tih thu Traffic SP, Pu H. Ramthlengliana chuan thuchhuah siamin a sawi a. Vice President lo kal chhunga mipuite leh lirthei hmangtute tana hriattirna leh ngenna an siamte \ha taka zawm a ni leh hemi chhung hi hun rei lote chhung mah ni se, Vice President a nih anga chawimawi leh zahna lantir chu mipuite tih tur a nih rualin nitin khawsak phung erawh a nghawng buai hle ang tih hriatsa a ni a, heti chunga ngenna hrang hrang an siamte zah taka zawm a ni chu ram leh hnam zahawmna tilangtu nia sawiin, tulbik thil avanga lirthei tlan dan tihdanglam leh tlan theih loh hun siamte lirthei hmangtute leh khalhtuten hrethiam a dawhthei tak leh \ha taka an zawm avangin mipuite chungah lawmthu a sawi a ni.