Champhai Grape Grower Society-ten tun tuma grape an lei hi kumina a vawikhawna a ni a, Tlangsam Winery-a sawngbawl turin Champhai leh a chhehvela Grape chingtute Grape thar chhuah an leisak a, Grape hi Society member-te ta chauh leisak lovin a duh apiang ta an leisak a ni.
Tlangsam Winery enkawltuten Champhaia Zonet Reporter an hrilh danin kumin hian kum dang aiin Champhaiah Grape rah a tha a, Tlangsam Winery-ah hian kum dangah Grape rah Quintal 1800 vel lei thin nimahse, nikum lamah Grape leikhawl sa an la neih tam avangin kuminah erawh Quintal 1500 vel chauh an lei thei dawn a ni.
