Inbiakna hi Home Secretary, Pu Lalbiakzama’n a kaihruaia, Zokhawthar leh Champhai Transport Union te hian inremna an neih loh chuan sorkar a chet a ngai dawn tih hrilhin, sorkar a chet chuan dan ang thlapa thil kalpui a ni dawn tih a hrilh a, an buaina vanga mipui tam takin harsatna an tawh chuan sorkar beng a thlen tawh avangin mipuiin an tawrhna ti tawp turin sorkar chuan hma ala dawn tih a hrilh a, Zokhawthar Welfare-in bungraw phur lirthei a\anga pawisa an khawn \hin chu dan kalh a nih thu sawiin, lirthei neituten an chawi tur ang zawng zawng chu sorkarah an pe tawh tih a sawi bawk.
Inbiaknaah hian Champhai a\anga bungraw phurh leh Zokhawthar a\anga bungraw phurh te chu Mualkawi ramchhungah in hlan chhawn nise tiin an inrem a, Zokhawthar a\angin ZTU-in bungrua an phur ang a, Mualkawiah chawlin Mualkawi a\angin CTU lamin bungrua te hi an phur ve leh thung dawn a ni.
Zokhawthar All NGO leh CTU te inkara inhriatthiam lohna avanga bungraw lut leh chhuak tur zawng zawng dan anih avang hian Champhai Dist MJA pawhin pawl pahnihte karah palai hna an lo thawk tawh a ni.
