Council of Minister \hukhawm hian thutlukna lian tham tak tak a siam a, Mizoram State Institute of Hotel Management bul\an thei turin post hrang hrang 32 hnawhkhah a remti a, Sports & Youth Services Department in Mizoramah State Games neih a rawtna pawmin hemi atan hian cheng nuai 150 dah an remti a, State Games hi kumin chhunga neih nise an ti a, Lunglei a Army National Cadet Corps (NCC) Mixed Battalion bul\anna tura sum mamawhte pawh an pawm a ni.
Social Welfare Department chu directorate pahnih, Directorate of Social Welfare and Tribal Affairs leh Directorate of Women and Child Development-a \henhran turah thawktu te sem fel dan tur rawtna an pawm a, Mizoram Juvenile Justice (Care & Protection of Children) Rules, 2019 duan lailawk pawh an pawm a ni.
Council of Ministers \hukhawm hian nungcha leh thing leh mau humhalhna kawnga chak zawka hmalak anih theih nan ram vak ru \hin te leh, phalna nei loa thing kit ru \hin te thuneitute hnena hriattirtute lawmman pekna tur ruahmanna, Incentive Reward Scheme an pawm a, Mizoram Institute of Medical Education & Research MIMER chu Mizoram Medical College tia a hming thlak an rel a, Mizoram Public Service Commission Chairman and Member te, State Election Commissioner leh Mizoram Board of School Education Chairman te hlawh 7th Pay zulzuia siam\hat rawtna an pawm bawk a ni.
