Champhaia chanchinbumiten Khuangthing ram chhunga power siam chhuahna tur, Tlawva Small Hydel Project thawh mek chu vawiin khan an tlawh a, kumin chhunga zawh hman tum a nih thu thawktuten an lo hrilh.

Champhai MJA member te hi DIPRO Dr. Lalalawmkima Arawn in a ho a, anmahni lo dawngsawngtu P&E Dept-a EE Pu R.Lalrinkima sawi danin Tlawva small hydel projet-ah hian hi kilo watt 2500 pe chhuak thei khawl pahnih bun a ni a, ruahtui tlak tam lai May thla atanga October thla thleng power kilo watt 5000 pe chhuak thei tura duan a ni a, \hal lai, November atang febuary thla chhungin Kilo watt 1000 vel pe thei tura ngaih a ni. He project atang hian kum khat chhungin Power unit maktaduai 13.47 siam chhuah theih a ni ang a, kum 15 hnuah chuan Project siamna atana sum senso hmulet thei tura ngaih a ni.