A hmanpuitu Central YMA President Pu Vanlalruata chuan, hun rei tak chhung YMA Kumpuan atana ‘Ruihhlo Do’ leh ‘Ram leh Hnam Humhalh’ hman a nih hnuah Mizoramin a mamawh ‘ZIRNA UAR’ chu YMA Kumpuan atan Pathianin a hun takah a pe a ni a ti a, Nu leh pa te pawhin ‘zirna chu sum peipunna’ a ni tih hria a, an fate zirna atan sum leh pai te pawh an fate tana seng ngam tura a duh thu a sawi. Pu Vanlalruata chuan thiamnain huaisenna mihringah a pek thu a sawi a, khawtlang leh Kohhranah pawh mi \angkai an nih theih dan chu thiamna hmangin a nih thu sawiin school-a zirna pangai bakah thiam thil hmanga eizawnna kawng dap chu thil pawimawh tak a nih thu a sawi.
Inkhawm hi Tuikual South Branch Kumpuan Sub Committee Chairman Pu K. Laldinthara’n a kaihruai a, kumpuan sub Committee Secretary-in an hmalak dan tur te a report a ni.
