Champhaiah chuan Chapchar Kut hi Kutpa, Law Minister, Pu TJ Lalnuntluanga hovin Kahrawt Field-ah hman a ni.

0
292
views

Champhaiah chuan Chapchar Kut hi Kutpa, Law Minister, Pu TJ Lalnuntluanga hovin Kahrawt Field-ah hman a ni a, thusawiin Kutpa chuan tun hmalama Mizoten chapchar kut an hman dan chu Kristian nih hnuah sakhuana nen a inrem zawngin her rema hmanzui a ni ta niin a sawi a, Chapchar kut hi harsatna beidawnna leh hnungtawlhna a\anga beiseina neia hmalam pan tura inbuatsaihna atana hmang turin mipuite a chah a, kut thupui atan Zofate inpumkhatna tih thlan chu vawiina kut hman nen a inhmeh hle a, Zohnahthlak tlang hrang hrang leh ram hrang hranga awmte chu inlak hranna leh inen hranna paihthlaa insuihkhawm tum turin a fuih a ni.

He kut hmannaah hian Champhai Bawrhsap, Dr. Naveen Aggarwal pawhin thusawiin tunlai khawvel changkang zelah inkawmhona leh intihhlimna a tlem chho zel a, chumi kara mahni buaina leh hnathawh te kalsana intihlim zawnga hun hman chu thil pawimawh a ni tih sawiin, mipuite chu an mamawh huna hman tur sum khawlna chang hre turin a fuih bawk a ni.

He kutah hian Champhai Sub Hqrs leh YMA Branch hrang hrang a\angte, Zomi Cultural Society, MHIP leh MUP a\angin malzai, zaipawl, rimawi tum leh hnam lam hmuhnawm tak tak entir a ni a, chung zingah chuan YMA Branch ten a huhova Kantluang cheraw bu 25 an entir te, Buhza aih leh Chawnglaizawn, Zomi Cultural Society ten Zangta Lam an entir bawk a, MHIP ten Parlam an entir a bawk a ni.