Chanmari YMA Hall-ah World Suicide Prevention Day hmang

0
411
views

Mahni intihhlum do-na ni, World Suicide Prevention Day chu National Mental Health Programme leh Aizawl Civil Hospital-a Psychiatry Department \angkawp bul tumin vawiin khan Aizawl Chanmari YMA Hall-ah hman a ni a. Health Minister, Pu Lal Thanzara’n hmanpuiin, mahni nunna hial pawh hlut tawh lova mahni intihlum duh hial khawpa rilru lama harsatna neite chu minit 1 chauh pawh ngaihsak an nih a, an tana hun pek a nih chuan nunna hlu tak a chhan thei tih hriat thar a pawimawh a ni, a ti a. Hetiang harsatna neite enkawl chu Doctor leh mi thiam bikte kuta dah mai lovin, mi tinin an ti ve thei nia sawiin, ngaihsakna leh an dinhmun hriat thiamna nena enkawl thiam a pawimawh niin a sawi. Vawiina World Suicide Prevention Day hmanna hi Aizawl Civil Hospital-a Psychiatry Department Head, Dr. C. Lalhrekima’n a kaihruai a, Health Department Principal Director, Dr. F. Lallianhlira’n thu a sawi bawk. International Association for Suicide Prevention leh World Health Organisation bul tumin World Suicide Prevention Day hi kum 2003 a\ang khan kum tin September ni 10-ah hman \hin a ni a. Kumin hian September ni 10 chu nimin, Pathianni kha a nih avangin Mizoramah chuan vawiin khan hman a ni a. Kumin World Suicide Prevention Day-ah hian thupui atan hian ‘Minit khat chauh sengin nunna dinhmun thlak rawh’ tih hman a ni.