He beihpui thlakna, POSHAN Abhiyaan hnuaia buatsaih, Marathon hi Run for a cause. Run to beat malnutrition in Mizoram tia vuah a ni a, Social Welfare Minister Dr K Beichhua’n a vailiam a ni.
Hemi puala inkhawm tawi buatsaihah Dr. K Beichhua-a chuan taksa hriselna \ha nei turin eitur \ha ei a ngai a, naupang, \hanglai leh nu naupai leh hnute pe lai ten eitur \ha an hmuh theihna turin sorkarin ruahmanna a siam a ni a ti. Women & Child Development Director Pi Vanlalpianpuii pawhin naupang \han\hat nana nu-in nau a pai a\anga naute kum 2 an tlin thlengin enkawlna uluk taka pek a pawimawh tih a sawi.
Nutrition Marathon-ah hian mi 1000 chuang an tel a, Category hrang hrangah \hen a ni a, Mens category-ah David Siamkima chu pakhatna a ni a, a ni hian pawisa fai cheng sing 1, thuziak leh medal a dawng a, Hmeichhiaah PC Lalhmingmawii pakhatna an ni a, kum 15 hnuailamah John Lalremruata chu pakhatna niin cheng sang 5, thuziak leh medal a dawng a, kum 10 hnuailamh Ian Lalremruata chu pakhatna a ni thung a, pawisa cheng sang 3, thuziak leh medal a dawng a ni.
POSHAN Abhiyaan hian a tum chu chaw \ha ei loh avanga naupang \han\hu leh cher lutuk tih tlem a, nu, naupang leh tleirawl zing a thisen tlakchhamna thleng \hin tih tlem a ni.
