Chawngte Group YMA hruaitu te hian Alpha Pacific System Project Director Amarjit leh an hotu dangte an kawm a, inkalpawhna kawngpui \ha lo avangin Chawngte mipuiten hun rei tak harsatna an tawh tawh thu hrilhin, Chawngte leh Rualalung inkar kawng Km 10 chauha thuiah pawh pickup truck hmangin darkar hnih chuang tlan a ngaih thu te, kumin march ni 15 Alpha Pacific System Project Manager hmu a fur ruahtui tlak hma ngeia kawngpui chhia thuam\ha tura an ngen tawh chung pawh a, thawm\hat mumal a awm lo chu an hriatthiam loh thu te an sawipui a, Maxi cab te pawh an la srvice thei lo chu an lungawi lo takzet tih an hrilh a ni.
Tun thla chhung ngeia kawngpui siam \ha tur leh Nilaini a\anga hna thawk tan turin Contractor te leh YMA hruaitute hi an inrem a ni.
