Chief Electoral Officer, Ashish Kundra chuan Bru Relief Camp-a awmten Mizoram Assembly inthlannaa Mizoram chhunga vote an thlak ve theihna tura Kanhmuna Temporary Polling Station 15 siam te vawiin khan a hmunah a enfiah.

0
404
views

 

Hemi rual hian venhimna hna thawktu tur te awmna hmun ruahman pawh tlawh tel nghal a ni. CEO chuan Mamit Tourist Lodge-ah Mamit Bawrhsap, North Tripura District Magistrate, SP leh Kanhmun khawtlang hruaitute bakah Kohhran hruaitute leh Zirlai Pawl hruaitute a kawm nghal a, inthlanna boruak \ha leh ralmuang tak neih theih nan thawhhopuiah a sawm a ni. Kanhmun khawtlang hruaitute chuan Tripura Bru Camp hrang hrang a\anga Kanhmuna vote thlak tura lo kalte chu \ha taka lo dawnsawn an tum thu leh Mizoram chinah welcome gate siam an tum thu CEO chuan hrilh a ni. An inkawmhonaah hian Bru Relief Camp a\anga vote thlak tura motor-a lo kalte chu Mizoram leh Tripura inri-na ramriah ding se, heta \ang hian vote thlakna hmun chu ke-in pan se tih a ni a, CEO chuan vote thlak tura lo kalte ID Slip chu vote thlak hma ni thumah pek chhuah vek a duh thu a sawi a ni. Tripura Bru Camp-ah hian Mizoram mi Electoral Roll-a hming chuang 11,968 an awm a, hengte hi Assembly bial 9-a awm an ni. Mamit District-a Assembly pathuma vote neite tan Kanhmun khelmualah Polling Station 9, Kolasib District leh Lunglei District Assembly bialte tan Pollling Station 3 ve ve Indoor Stadium-ah siam a ni.