Serchhipa Centre of Excellence for Horticulture hmunah hian huan neitute hnena sem tur Dragon Fruit te, Spain a\anga lakluh Serthlum chikhat Ortamigue an tih te, Thailand a\anga lakluh Kawlthei mu nei lo Seedless Guava an tih te, Tengtere thlum, Sweet Tamarind leh Balhla chin pun \hin a ni a, tunah hian Dragon fruit kung 45,000 leh Serthlum kung 10,000 vel Nursery-ah an ching pung mek a ni.
Pu C. Lalramzauva chuan, Centre of Excellence hnathawh chu \ha a tih thu a sawi a, an hnathawh chu a hmuna \ha mai lova, Market thleng phak ngei tura \anlak chhunzawm zel a pawimawh thu a sawi.
Chief Minister Adviser-in tukina Serchhip Lengte rama Centre of Excellence for Horticulture a tlawhnaah hian Serchhip District Horticulture Officer, Pi M. Vanlalzami leh a thawhpuiten an \awimawm a. Centre of Excellence chu loneitute thlai chin tur siamna hmun leh loneitute hnena thlai chindan zirtirna hmun a nih thu an lo hrilh a, an hmalakna tlangpui an lo hrilhfiah bawk.
Pu C. Lalramzauva hian Serchhip Lengte rama Centre of Excellence for Horticulture hmun a tlawh zawh hian Serchhip MJA-in Press Club building an sak mek a en nghal bawk.
