Conference hmanpuitu Kolasib Bawrhsap, Pu Zoengsanga chuan Kolasib Multipurpose Cooperative Society ten man tlawm zawka nitin mamawh mipuiten an lei theihna tura an hmalakna chu fakawm a tih thu a sawi. Inkhawm hi Society Chairman Pu B. Lalremliana’n a kaihruai a, Kolasib Multipurpose Co-Operative Society hi kum 2018 April ni 20 khan din a ni a, mipuiten man tlawm zawka an mamawhte an lei theihna tur eichawp dawr an din a, society dawrah hian an thil zawrh zawng zawng MRP aia tlawm vekin an hralhchhuak a, kum khat vel chauh la kalpui mahse cheng nuai 21 man hu vel bungrua hralh tawhin mipui pawisa nuai 2 vel an hum sak tawh niin an chhut a ni.
