Chief Minister, Pu Lal Thanhawla chuan Cooperative Society chu mi tupawh tel theihna, mi harsate dawmkangtu pawl pawimawh tak niin a sawi

0
386
views

Chief Minister, Pu Lal Thanhawla chuan Cooperative Society chu mi tupawh tel theihna, mi harsate dawmkangtu pawl pawimawh tak niin a sawi. Mizoram State Cooperative Union buatsaiha District Level Seminar vawiina New Serchhip YMA Hall-a neihah thusawiin Chief Minister chuan Mizoramah Cooperative Society mipuiten an din, \angkai taka hnathawk an awm tih sawiin ziak leh chhiar thiam tam vang te, chi inthliarna awm loh vangte-in Mizoram hian Cooperative Movement chak zawkin a neih theih niin a sawi a, mipuite hmasawnna tura sorkar hmalakna lian ber, New Economic Development Policy hmang \angkaiin kuthnathawktu tun hmalama ei khawp chang chang thar \hin khan hralh tham a thar chhuah theih nan ruahmanna siam a nih theih nan Kolkata-a Indian Institute of Management nen \angdunin mi taima leh rem hria ten an tuina zawnga eizawnna ngelnghet an neih theih nan Entrepreneurship Development lamah hmalak mek niin a sawi bawk. Mizoram State Cooperative Union Ltd. hi kum 1975, March ni 29 khan dinin Cooperative Department hnuaiah ziahluh a ni a. Tunah hian Mizoram pumah Cooperative Society sorkar hriatpui 1,500 vel an awm tawh a ni. He Seminar hi Mizoram State Cooperative Union Chief Executive Officer, Pi Lalnuntluangi Hrahsel-in a kaihruai a ni.