Zan khat riaka Mizorama tlawha nimina lo zin Union Minister for Steel, Pu Chaudhary Birender Singh chuan vawiin chawhnu khan Aizawl a chhuahsan

0
375
views

Zan khat riaka Mizorama tlawha nimina lo zin Union Minister for Steel, Pu Chaudhary Birender Singh chuan vawiin chawhnu khan Aizawl chhuahsanin New Delhi lam a pan leh ta a, Lengpui thlawhna \um hmun thleng sorkar officer ten an thlah a ni. Union Minister pual hian nizan khan Aijal Press Club-ah MSTC Ltd. leh Rashtriya Ispat Nigam Ltd. zanriah an buatsaih a ni. Puan tawh angin Union for Steel, Pu Chaudhary Birender Singh hian nimin khan Ministry of Steel hnuaia Public Sector Enterprise pahnih, MSTC Ltd. leh Rashtriya Ispat Nigam Ltd. \angkawp ten Aijal Club-a Workshop an buatsaih a hmanpui a, he workshop ‘Development of Rural Sector by enhanced steel usage in Infrastructure & Housing’ and ‘Increasing Agri-Horti income of North-East’ tihah hian thusawiin Union Minister chuan kar kalta khan NEC Scheme Union Cabinet-in a pawmpui thu te, NEC Special Development Project-ah chuan sorkar laipui sum tum zat za zela 90 leh State sorkar sum tum za zela 10 ni \hin chu a pumpuia sorkar laipuiin a tum sak tawh thu te, kumin February thla khan hmarchhak bial tih hmasawn nan NITI Forum for Northeast tih din a nih thu leh hemi hmang hian hmasawn kawnga harsatna an neih te sutkian theih a nih dawn thu te, Ministry of Steel hnuaia Public Sector Enterprise ten hmarchhak biala State hrang hrang te hmuh theih turin in sakna hmanrua tur thir quality \ha chi a pek theih tawh thu te a sawi a ni. He workshop-ah hian Industry Minister, Pu H. Rohluna pawhin thu sawiin hmasawnna ruhrel pawimawh din tur chuan thir quality \ha tawk a pawimawh thu te, Mizoram chu hmarchhak State zinga hmasawn chak pawl a nih avangin thir hmanraw quality \ha chu hnathawh nan a pawimawh thu te a sawi a ni.