Chief Minister, Pu Lal Thanhawla chuan Tuirial Airfield-a National Cadet Corps Academy din leh Lungleia NCC Group Headquarter din dan tur chungchang NCC hotute leh Revenue Department hotute a sawipui

0
825
views

Chief Minister, Pu Lal Thanhawla chuan Tuirial Airfield-a National Cadet Corps Academy din leh Lungleia NCC Group Headquarter din dan tur chungchang NCC hotute leh Revenue Department hotute nimin chawhnu khan a Bangla-ah a sawipui. Chief Minister chuan NCC Academy Tuiriala din leh District Headquarters Lungleia din tum chu \halaite tan thil \angkai tak, sipaia \ang duhte tana zirna pawimawh ni tur a nih bakah ram khua leh tui \ha siam nan hmanraw pawimawh tak a ni dawn niin a sawi a ni. He meeting-ah hian Revenue Deptt. aiawhte, Environment, Forest & Climate Change Deptt. hotute leh NCC Commanding Officer te chuan nikuma joint inspection neiha thil bawhzui tura an tih bawhzui dan report an pharh a, Revenue Deptt. chuan Tuirial Airfield chhehvel ram awmdan tih lanna map an siam chu a pharh bawk a, hetah hian NCC Office sakna tur hmun te, NCC tana mamawh ram te leh Air Wing din a theih dan tur te an tarlang a ni. Chief Minister hi Principal Adviser to Chief Minister, Pu RL Rinawma’an a \awiawm a, midangte chu Revenue Joint Director, Pu Rinzamlova, NCC a\angin Commanding Officer, Lt.Col. Clement Lalhmingthanga leh officer dangte an ni.