Higher & Technical Education Minister, Pu R. Romawia’n Govt. Lawngtlai College Administrative Building a hawng

0
449
views

Higher & Technical Education Minister, Pu R. Romawia chuan nimin khan Govt. Lawngtlai College Administrative Building RUSA hnuaia Infrastructure Grant Rs.70,00,000/- senga sak a hawng. Hawnna inkhawma thusawiin Minister chuan hnathawh tur awm te PWD kuta dah lova, Consultancy Firm kuta pek hi a inchhir awm loh hle niin a sawi a, Mizoramah zirna in hrang hrang ram \ha tak mimal leh thil ti thei deuhten an chuhpui \hin leh an nekchep tawh hle chu pawi a tih thu sawiin hemi avang hian zirna in ten harsatna an tawk niin a sawi a, College-ah subject a pun chhoh zel avangin building pawh mamawh belh zel a ni a, chuvangin zirna in ram neih ang ang te \ha taka humhalh a \ul niin a sawi a ni. Pu R. Romawia chuan Rashtriya Uchhatar Shiksha Abhiyan (RUSA) a\anga sum hmuh leh NEDP a\anga sum hmuh te, zirna lama hmasawn nan \angkai taka hman a nih thu a sawi bawk. He inkhawm hi Lawngtlai Govt. College Principal Pu T. Thang\huama’n a kaihruai a ni.