Chief Minister Pu Lal Thanhawla hova vawiina Ruihhlo Do Core Committee thukhawmin ruihhlo dona kawnga hmalak dan tur duangtu tur committee peng an din.

0
311
views

Ruihhlo do kawngah sawrkar, kohhran leh YMA aiawhte inrawnkhawmna nikum August ni 4-a neihin awmze nei zawka hmalak anih theih nan State Level Core Committee on Ruihhlo Do din ni se tih a lo rel tawh bawhzuiin Ruihhlo Do Core Committee hi din a ni a, tun hi an \hutkhawm vawikhatna a ni a, Committee ah hian Chief Minister chu chairman a ni a, CYMA President leh MKHC General Secretary te chu Vice-Chairman an ni a. CYMA General Secretary chu Member Secretary ah ruat a ni a, ruihhlo ngai te enkawl leh ruihhlo do kawnga inhmahnawih Dept hrang hrang hotute membera ruat an ni.

Vawiin \hutkhawmnaah hian hruihhlo a lo rem a, ruihhlo ti thar an tlem theihna tur leh ruihhlo ngaite enkawl kawnga awmze nei zawka chet lak dan tur duangtu tur sub-committee din a ni a, ruihhlo leh a kaihhnawih laka fihlim tura inzirtirna kawngah zau zawka inzirtirna kalpui nise an ti a ni. A kaihruaitu Chief Minister Pu Lal Thanhawla chuan ruihhlo leh a kaihhnawih ching thar an pung chho zel nia lang chu hneh taka do let a \ul tih a sawi a, tun kum hnih khat chhunga ruihhlo tawlhtu man zinga zaa 90 chuang chu court in thiam loh a chan tir tawh tih a sawi bawk. Meeting ah hian Home Minister Pu R. Lalzirliana, Law & Judicial Minister Pu Lalsawta leh Social Welfare Minister Pu P.C. Lalthanliana te bakah member dangte an tel a ni.