Maxi Cab Service-te AMC-in an dinna tur bik a siamah chauh vawiin atang khan an ding tan a, Maxi Cab neitute chuan sorkar thupek zawm an tan a harsat loh laiin khualzinte tan erawh sum sen a tam phah dawn tih an sawi.

0
331
views

Maxi cab-te hi Kulikawn Ngaizel leh Bawngkawn Brigade-a Sorkar-in an dinna tur bik a siamah chauh din phalsak an ni ta a, Maxi cab enkawltute chuan sorkar thupek chu ti hlawhtling tura \anlak an tum thu an mahni tlawhtu Zonet palai an hrilh a. Sorkar ruahmanna chu lirthei enkawltute tan chuan zawm mai a harsa lova, an mahni dawrtu khualzinte tan phurrit a ni thei zawk nia sawiin, khaw \henkhata zin turte chuan an mahni an panna lamah maxi cab chuan man aia tam sum an sen a ngaih phah dawn avangin ngaihtuah chian ni thei se an duh thu an sawi a, an dinna hmunah hian inthiarna mumal a la awm loh avangin mipuiten harsatna an tawh loh nan inthiarna mumal tak siam thuai ni se an duh thu an sawi bawk.

Hetihlai hian AMC Commissioner, Dr. H. Lalthlangliana chuan, Maxi cab dinnaah hian inthiarna mumal tak siam vek a ni dawn tih a sawi a, \henkhat chu peihfel tawh niin, la peih fel lohte pawh rei loteah zawh fel theih beisei a ni tih a sawi. Aizawl Municipal Corporation chuan, Aizawl khawpui chhung tawt lutuk tithawl tura hmalakna pakhatah Maxi Cab Service-te chu an dinna tur a bika siamah chauh din a phalsak a, hei hi Traffic Police-in keng kawhin dan zawm lote chu hrem theih an ni dawn a. Hemi chungchang hi AMC Commissioner, Dr. H. Lalthlangliana hovin nimin khan Aizawl Traffic Police, Maxicab Owners Association, Aizawl City Bus Owners Association leh Taxi Owners Association hotuten Aizawl |huampui Venga AMC Pisa-ah an sawi hova, Aizawl khawpui tawh tiziawm tura hmalaknaah lirthei enkawltute chu an mahni zawn \heuha \anla turin an ingen a ni.

He ruahmanna a taka hman \anni vawiin khan dan bawhchhiate pawh man lovin an dinna hmun tur an hrilhfiah zel rih tih Traffic OC Pu Lal\anpuia chuan Zonet a hrilh a, Aizawl khawpui pawh engemawchen a thawl phah nia an hriat thu a sawi.