Chief Minister Pu Lal Thanhawla’n khawvel huapa vaihlo dona beihpui thlakna tur, World No Tobacco Month a hawng

0
242
views

Vawiin khan Chief Minister Pu Lal Thanhawla’n khawvel huapa vaihlo dona beihpui thlakna tur, World No Tobacco Month a hawng a, hemi rual hian Tobacco Free Sports Campaign a tlangzarh bawk. Mizoram State Olympic Association, Indian Society on Tobacco & Health, Mizoram Chapter leh Mizoram State Tobacco Control Society tang hote buatsaih, heng thil chi hnih hawnna inkhawmah hian thu sawiin Chief Minister chuan infiamna khawvelah Mizoramin hma a sawn zel a, hmasawnna nasa zawk nei zel turin hriselna vawn uluk a \ul a, hrisel tur chuan vaihlo laka fihlim a ngai a ni a ti. Indian Society on Tobacco & Health, Mizoram Chapter President Pi Lal Riliani pawhin thu sawiin, vaihlo leh a kaihhnawih zuk leh hmuam chi te chu ruihhlo hlauhawm zawk-a mihring hruailut theitu a ni a ti. Mizoram State Sports Council Secretary Pu C. Laltlanthanga kaihhruai inkhawmah hian National Tobacco Control Programme, Mizoram, State Nodal Officer Dr. Jane Ralte chuan infiammite vaihhlo leh a kaihhnawih laka an fihlim theihna tura hmalakna Tobacco Free Sports chungchang leh hmalak dan tur a sawifiah a, inkhawmah hian Mizorama sports association hrang hrang atangin infiammite an tel a ni.