Lok Sabha Member, Pu CL Ruala chuan Saansad Adarsh Gram Yojana Phase III vawiin khan Lengpui Venglai Community Hall-ah a hawng

0
215
views

Lok Sabha Member, Pu CL Ruala chuan Saansad Adarsh Gram Yojana Phase III vawiin khan Lengpui Venglai Community Hall-ah a hawng. Hawnna thusawiin Pu CL Ruala chuan Lengpui khua chu Mizoram pawn a\anga zin veivak mite hmuh hmasak ber khua a nih avangin khaw entawntlak, model village-a siam a ngai a ni a ti a, model village-in a tum chu khaw fai leh hrisel, kawng hrang hranga intodelh leh khaw dangte tana entawntlaka awm a ni tih sawiin, a thil tum tih hlawhtlin tum turin Lengpui khaw mipuite chu a fuih a ni. He inkhawma thusawitu dang Tourism Minister, Pu John Rotluangliana chuan zin mite hip thei tur chuan rilru zau tak put a ngaih thu te, hmundanga a\anga lo kal infiammiten tun hnaiah Mizoramah mi kut an tuar chu zahthlak a tih thu leh pawi a tih thu a sawi a, hetiang thil hi tun hnuah thleng leh tawh lo se a duh thu a sawi bawk. Pu John Rotluangliana chuan Lengpui khua chu khaw entawntlak ni tura sorkarin siam a tumna tihhlawhtlin a nih theih nan lungrual taka hmala turin a fuih a ni. He inkhawmah hian SIRD & Panchayati Raj Core Faculty Dr. Lalhruaitluangi Sailo chuan SAGY \obul leh thil tum a sawifiah a, Rural Development Deptt. Director, Pu Lalhriatpuia’n inkhawm a kaihruai a ni.