Bawngkawn kawng peng\huam pahnih leh Vaivakawna kawng peng\huam-a motor te chi inpelh theihna tur lei dawh dan tur hi Chief Minister Pu Zoramthanga hian Gurgaon-a Hqrs. nei, MPEC Consultancy Pvt. Ltd., mithiam pahnihte nen an enfiah a, heng mithiamte hi Managing Director, Dr. P. Gosh leh Structural Engineer pakhat an ni a, he Consultancy Farm hi National Highway siamah te, lui chunga lei dawhah te leh peng\huam laia motor kal theihna lei fly over dawh lam thiam an ni. Heng mite hian Chief Minister hovin Vaivakawna kawng peng\huam lai an en hmasa a, ruahmanna an siam lailawk dan chuan Vaivakawna Bungkawn lam panna kawng peng\huam bul a\angte, nisarihtlang pan chhohna kawng a\angte, Luangmual lam panna kawnga Zotlang pan chhohna kawng peng bul a\angte, Chanmari West lama Hunthar Veng leh Chanmari kawng peng\huam bul a\angtea in\anin Vaivakawn kawng peng\huam chung lamah motor te chi inpelh theihna khawpa zau fly over siam tum a ni ang.
Bawngkawnah pawh Ramhlun lam a\angte, Chaltlang lam a\angte, Edenthar lam a\angtea Bawngkawn kawng peng\huam chunglama kalna tur lei dawh \anin Durtlang leh Lunglei kawng peng\huam thleng motor te chi inpelh theihna tur fly over siam dan tur ruahman tum a ni. Sorkar lam a\anga Zonet thudawn danin Vaivakawn leh Bawngkawna fly over siam tumna hi Consultancy Farm NPEC Pvt. Ltd. chuan a bawhzui ang a, a hmasa berah Concept Note siamin a lem te a ziak tel ang a, chu chu sawihova enfiah leh phawt a ni ang a, chumi hnuah siam theih awma hriat a nih chuan he Consultancy Farm hian Detail Project Report leh a design te a siam ang a, chumi hnuah fly over siam theihna tura sum mamawh chu Chief Minister Pu Zoramthanga’n sorkar laipui a\angin a dil dawn a ni. Motor te chi inpelh theiha fly over siam tur hnuai lamah hian motor lian chi kalna tur atan kawng pangngaite hi hman a ni ang.
Kawng chhawng siam dan tur enfiahtu Chief Minister hi Information & Public Relation Minister, Pu Lalruatkima, Aizawl Mayor, Pu PC Lalhmingthanga, Deputy Mayor, Pu Lalringliana, Principal Secretary PWD enkawltu Pu Lalramthanga, Planning Secretary, Dr. Vanlalramsanga, PWD Engineer in Chief, Pu R. Vanlaltluanga, Chief Engineer Highway, Pu K. Lalsawmvela, AMC Commissioner, Dr. Lalthlangliana leh mi pawimawh dang \hahnem takin an \awiawm a, Chaltlanga Transport Dept hmun pawh tlawhin, Mizoram chhunga service, khualzin phur bus leh maxi cab te dinna hmun siam theih dan tur an en nghal bawk.
