Photo Electoral Rolls Special Summary Revision \an nan hian District hrang hranga Bawrhsap, District Election Officer ni bawkte chuan vawiin khan tuna Mizoram Electoral Roll neih lai chu mipuite hmuhtheihin an tlangzarha, vawiin a\ang khan ram khkualehtui dik tak, nakum January ni 1 a kum 18 tling chinte chuan electoral roll-a inziahluh an dil theia, an dilna chu form dik tak hmangin electoral roll siam\hat hna thawktute hnenah an thehlut theia, hemi rual hian siam\hat, tihdanglam diltute dilna pawh thehluh theih a nia, hming paih ngaite hming pawh paih a, electoral roll a dik thei ang bera siam a ni ang. Thunbelh leh tihdik diltute hian January ni 25 thleng an dilna an thehlut thei anga, chungte chu nakum February ni ni 11 ral hmain chinfel a ni anga, hemi hnu hian Electoral roll-a thuntheihte thunin Suplementary Roll siam a ni anga, February ni 22-ah Electoral Roll thar, hman theih tur chu peihfel a ni dawn a ni. Photo Electoral Roll Special Summary Revision Election neih dan tur Election Commission -in a ruahman dan chuan he hna \an ni tur hian tunthla ni 26, Krismas ruai\hehni ruat a nia, hei hi Mizoramah chuan a rem velo tih Election Commission hriattir a nih hnuah Election Commission chuan he hna hi vawiin a \an a remti a ni. Mizroam rual hian Chhatisgarh, Madhya Pradesh, Rajasthan leh Telengana State-ahte pawh Electoral roll ennawnna hi neih a ni. Electoral Roll ennawn hna \an nan hian Lunglei-ah chuan Election Officer Pu James Lalnithanga’n he District-a Assembly bial 7 a electoral Roll vawiin khan DC Conference Hall-a inkhawmah a tlangzarha, he inkhawma tel, Political Party hrang hrang, tlawmngai pawl hrang hrang leh Media aiawhte chu Electoral roll ennawn dan tur chungchanga ruahmanna siamte a hrilhfiah a ni.
Hetiang bawk hian District hrang hrangah pawh vawiin khan an District chhung \heuha Assembly bial hrang hranga Electoral Roll te tar chhuakin Electoral Roll ennawn hna \an a ni tih Bawrhsap te leh an aiawhte chuan Political Party hrang hrang leh mipuite an hriattir a ni. Mizoram Assembly Electoral Roll dinglaiah hian vote nei mi 7,68,181 an awm a, tuna Electoral Roll ennawn dan \an tak hi zawhfel a nih hun chuan engemawzatin a pung chho dawn a ni.
