He thu hi vawiina an party Campaign hawnna inkhawm Vanapa Hall-a neih a hmanpuinaah a sawi. Pu Zoramthanga chuan, nizan khan 15th Finance Commission team-a an hotpa hnenah Special Category State angin Commission hi sum ruahmansak tur leh a bika Mizoram chu ngaihtuah tura a duhthu a thlen tih a sawi a, Chief Secretary leh Finance hotuten CM a nih angin sawi tura thurawn an pek angin he rawtna hi a thlen tih sawiin India leh MNF inremnaah Special Category State anga Mizoram chu ham\hatna pek tur tih a ni a ti a, Sorkar laipuiin he thil hi paih tumin hma a la a, hmarchhak State hrang hrang Chief Minister theuh ten titawp lo tura ngenna ziakin an thlen bakah amah pawh pui tura an ngen angin Prime Minister hnenah lehkha a ziak tawh tih a sawi a, a lehkha ziakah chuan inremna thutlung lo ziah tawh chu inremna ziaktute tihdanglam a nih loh chuan tute mahin an tihdanglam theih a nih loh thu a thlen tih a sawi a. He inremna hi 15 Finance Commission hotupa hian a hriat loh thu a hrilh tih sawiin inremna thuthlung copy a dil pawh a pe nghal tih a sawi.
Pu Zoramthanga chuan, Special Category anga Mizoram chu pawisa pek a nih loh chuan vaibelchhe tam tak pawisa an chan theih tur thu sawiin inremna sawisel duhtu Sorkar hmasa hnuaiah khan Special Category angin pawisa dawn a ni lo tih a sawi a, Special Category anga dawn theih reng mikhual sorkarin a kalpui avangin dawn lohin a awm a, tunah erawhchuan Special Category anga pe ngei turin Commission hotute chu a hrilh tih sawiin an dawn ngei pawh a beisei tih a sawi.
