Chief Minister Pu Zoramthanga’n Covid dona tura Chief Minister’s Relief Fund-a sum thawhtute leh a hman chhuah dan chu a duh apiang hnenah pek chhuah theih a ni a ti.

0
12
views

Mipuite hnena thuchah a sawiah Chief Minister hian tun thlengin Chief Minister’s Relief Fund ah hian pawl leh mimal 309 in cheng vbc 7 nuai 64 an chhunglut tawh tih a sawi a, cheng vbc 5 leh nuai 54 vel hman chhuah a ni tawh a, hman bang cheng vbc 2 sing 1 sang 5 a la awm tih a sawi a. A hman dan tarlanna chu MLA te pawh a copy pek vek an ni a ti.

Chief Minister hian mi inphalte sum thawh tlingkhawm hman dan tur ngaihtuahtu committee, Chief Secretary kaihhruai-ah MKHC leh Jt NGO hruaitute pawh member ah ruat an ni tih a sawi a, sum hman danah rinhlelh tur a awm lo a ni a ti.

Chief Minister hian ram pawn lama Mizo tangkhangte hruai haw hna thawh chhunzawm turah sum mamawh a pung chho hle dawn tih a sawi a, inkhung hran chhunga mi pakhat ei leh in atana sum sen ngai chu cheng sang 4 atanga sang 5 vel a ni a ti a. CM Relief Fund-ah thahnemngaih zel a ngai a ni a ti a, sum thawhtute chungah lawmthu a sawi bawk a ni.