Central Sorkarin Mizoram sorkar kutah tangkafaia tanpuina cheng vbc 118 leh nuai 50 nimin khan a pe chhuak.

0
13
views

He sum hi sorkar kum kallaia sorkar sum lakluh leh hmanral zat inthlauhna siamremna tur, post devolution revenue deficit grant a ni a, Finance commission 15-na rawtna zulzuiin May thla atana pek a ni.

April ni 3 khan Mizoram sorkar chuan post devolution revenue deficit grant hi cheng vbc 118 leh nuai 50 bawk a lo dawng tawh a ni.

Finance changtu Chief Minister Pu Zoramthanga’n February ni 19-a Budget Estimate a pharh-ah khan Post Devolution Revenue Deficit Grant hmuh tura beisei zat hi cheng vbc 1422 a ni a, thlatina Mizoram in a dawn tura chhut lawk cheng vbc 118 leh nuai 50 chu April leh May thla-ah chuan Mizoram sorkarin a bikimin a dawng tihna a ni.

Union Finance Minister Nirmala Sitharaman-i chuan Post devolution Revenue Deficit Grant pek chhuah tak hian a dawngtu state-te chu corona virus vanga harsatna an tawh mekah a chhawk zangkhai dawn tih Twitter ah a ziak a ni.

Mizoram bakah hian State dang 13 te hnenah revenue deficit grant hi pek chhuah a ni.