Organising Committee te rawt angin, mual ko chhuah lam BDO chenna tlang chu mual zawla rawt hniam a remchang thei em tih Chief Minister hian a en a, tlang bawk hi sum awm ang anga rawt hniam ni se, \um khata thawh zawh vek theih a nih loh pawhin a tah tawla rawt hniam hna thawh zui zel nise tiin ruahmanna a siampui a ni. Chief Minister hian New Serchhipa Helipad chuanhnuaia Circuit House sak a remchang em tih a en bawk a ni.
Lunglei a\anga Aizawl lam pan, Chief Minister hian Thenzawl pawh tlawhin Ministry of Tourism hnuaia Thenzawla Integrated Development of New Eco-Tourism Destination hnathawh mek zinga pahnih – Golf Course leh Wellness Centre te a tlawh bawk a, Chief Minister hian Golf ball a vaw chhin a, Golf course hi Mizoram sorkar kuta hlan tura ruahman mek a ni.
Chief Minister hi Adviser to CM Pu C. Lalramzauva leh Lunglei North bialtu MLA Dr. Vanlaltanpuia bakah PWD, Tourism leh department dang hotu \henkhatin an zui a ni
