Zirlaite chu an zirna kawnga an hlawhtlin rualin ram leh hnam tan mawhphurhna an nei tih hre tel turin a chah a. Mizoram chu kawng hrang hrangin ala intodelh rih lova, chumi siam\ha tur chuan mi tinin mawhphurhna an nei \heuh a, zirlaiten thiam taka an zirlai an hlenchhuah a, ram tan \angkai taka hna an thawh chu ram hmangaihna a ni tih hre turin a chah a ni. Pu C. Lalrinsanga hian zirlai hlawhtling tharte chu hmabak thui tak an nei tih hre turin a chah a. Pathianin Mizote chu Hnamah a din a, an chenna tur Mizoram a pe tih sawiin, chumi humhalh a, Mizo hnam anga dinchhuah chu Pathian laka an mawhphurhna a ni, a ti a. Zirlaite chu ram leh hnam hmakhua an nih angin, ram leh hnam hmangaihna thinlung pu tur leh an thiamna chu hmuha pho chhuak tlak ni tura \anla turin a fuih a ni.
Central service hrang hranga Mizo an tlem zel chu thil pawi tak a ni tih sawiin, Pu C. Lalrinsanga chuan, hemi kawngah hian Mizo \halaite an \hanharh a \ul takzet a ni, a ti.
Vawiina W. Phaileng Sub. Hqrs. MZP-in zirlai ti\hate chawimawina, an khaw Community Hall-a an buatsaih hi W. Phaileng MZP Vice President, David Lalfakzuala’n a kaihruai a, bialtu MLA, Govt. Dy. Chip Whip, Pu Lalrintluanga Sailo leh MZP Gen. Hqrs. Fin. Secretary, Andrew F. Lalramnghaka leh West. Phaileng MZP President, B. Roliana pawhin thu an sawi a. Hetah hian W. Phaileng khuaa HSLC pass thar 46 leh HSSLC Pass thar 36 hnenah chawimawina hlan an ni.
