Chief Minister Pu Zoramthanga’n National Highway No. 54 leh 154 kawng dinhmun vawiin khan a enfiah.

0
16
views

Sorkar thuchhuahin a tarlan danin Buichali leh Khamrang inkar kawng Ratna Company hnuaia thawh tum mek chu tender koh dan phung sorkar laipuiin a tihdanglam avangin hnathawh a thuanawp a ni an ti a, sorkar laipuiin lei lung dunhmun tehna Network Survey Vehicle hmang ngei tura a tih laiin, he khawl hi hmarchhak state-ah hman mai tur a awm lo a, he mi tel lova hnathawh remti tura Chief Minister in sorkar laipui a ngen hnuah tun hnai khan hnathawh remtihna PWD in an hmu tih sorkar thuchhuah chuan a sawi a, hri leng vanga labour te an mahni khaw lama an haw tawh avangin duh angin hma an lak theih rih loh a ni an ti.

Khamrang leh Kawnpui inkar kawng siam tur tur thlanna tender pawh buaipui mek a nih thu leh sorkar laipui thu ngaihchan a ni a, he kawng siam leh enkawl hi sorkar laipui kut ni mahse mamawhna avangin tun dinhmunah Mizoram PWD in a chhelai thawmthat hna an thawk tih sorkar thuchhuahah tarlan a ni.

Chief Minister hian Bairabi Rel chawlhmun panna kawng a enfiah bakah FCI kudama buhfai dinhmun a enfiah nghal a. Supply Minister Pu.K Lalrinliana leh PWD hotuten an tawiawm a ni.