Chief Minister Pu Zoramthanga’n sorkarin hmasawnna tura project a siam te chu mamawhnain a hrinchhuah a ni tur a ni a, \henkhatin pawisa an siamna tura din engmah a awm tur a ni lo a ti.

Sports, Youth Affairs & Tourism Board nimina an \hutkhawmnaah he thu hi a sawi a, he board hi Sports and Youth Services Minister Pu Robert Romawia Royte kaihhruai a ni a, \hutkhawmnaah hian board hmalakna tura harsatna awm thei leh hmalak hmasak theihna turte sawiho a ni. Sports lamah rampum huap leh khawvel huapa Mizo thalaite thlen theihna tur thlithlaia tihchangtlun dan ngaihtuah an rel a, Tourism lamah Mizoram chu khualzin miten an ngaihven viau tawh tih Tourism Minister chuan a sawi a, mipui lam inpuahchahna a \hat ve a pawimawh a ni a ti.