Chief Electoral Officer Pu Ashish Kundra chuan electoral roll ennawn hna thawh dan tur hi vawiin khan Political party aiawhte hrilhfiah a, kum 18 tling thar te thunin, paih ngaite paih fel a ni ang a, electoral roll-a siam\hat ngaite pawh siam\hat nghal tur a ni tih a sawi. CEO hian Mizoram hmun hrang hrangah Electoral Roll ennawn leh endik hna chak zawk a thawh anih theih nan, inthlunzawnna \ha, Common Service Centre buatsaih tum anih thu leh Polling station voter tamna te chu Section a \hen darh tum a nih thu te a sawi bawk.
Electoral roll ennawnna hi Pre-Revision a bul\an a ni anga, August ni 31 thlengin vote nei theite endik hna Electors Verification Programme kalpuiin hemi hun chhung hian Voter Helpline mobile app, NVSP portal emaw Common Service Centre kaltlangin emaw Electoral roll-ah mahni inendik theih a ni ang.
September ni 1 a\anga ni 30 thlengin, BLO ten in tinah lut lawrin roll a telh belh ngai, paih leh siam\hat ngaite an endik ang a, Integrated draft electoral roll chu October ni 15 ah tihchhuah hman tum a ni a, ECI in ruahmanna a siam dan a zirin Electoral roll thar ber chu tar chhuah a ni ang.
CEO in political party aiawhte a kawmnaah hian Joint CEO Pu H Lianzela, leh Asst CEO Pu Malsawmzuala te pawhin hriattur pawimawh te an hrilhfiah bawk a ni.
