Chief Minister Pu Zoramthanga’n vawiin khan ZMC a tlawh a, Covid 19 dolet na atana mamawhte sorkarin ui lovin a tul angin a pe zel tih a sawi.

0
42
views

Sorkarin mipui hriselna a ngaipawimawh ber tih Chief Minister hian a sawi a, covid 19 vei thar hmuhchhuah chu engtikah nge a lo thlen ang tih an lo thlir reng a nih thu a sawi a, hrileng hriat tirh ai chuan inpuahchahna pawh a tha tawh zawk a ni a ti a. Covid vei thar an awm tih hriat a nih veleh enkawlna mumal tak, rang taka pek an ni nghal chu thawktute fakawm a tih thu a sawi a, hri leng kaite pawh an damchhuah leh thuai a duhsak thu a sawi.

Pu Zoramthanga hian ZMC a thawktute chu a hmatawng an nih thu sawiin an inpekna an chhuang hle tih a hrilh a. Hri leng dolet kawngah mipuite an tangrual a, Covid fund atan pawh nasa takin an sum an thawhkhawm a ni a ti a, ZMC chu hrileng karah a theih ang anga tihchangtlun zel tum a ni a ti.