Chief Minsiter Pu Zoramthanga hova Cabinet Minister leh sorkar mipawimawhte vawiina \hukhawmin Coronavirus Covid-19 laka Mizoram a him theihna turin ramdang nena inrina, international border khar lailawk an rel a, \ul bik thilah chauh State dang nena inkalpawh phal a ni.

0
548
views

Coronavirus, Covid-19 leng avangin Mizoram leh ram dang inrina, International border te khar nghal tur a ni a, Airport ah Foreigner khualzinte luh phal loh a ni. State dang nena inkal pawhnaah tul zual bik tih loh luh leh chhuah phal a ni lo a. Mizorama luh ngei ngei ngaite pawh an chanchin kimchang leh an kalna turte chhinchhiah fel vek a ni ang. Assam atanga Mizoram lut turte Vairengte leh Bairabi ah chauh luh phal a ni a, Manipur atanga lut tur te Khawkawn (Ngopa lam)-ah, Tripura atanga lut tur te Kanhmun atang chauha luh phal a ni.

|hutkhawmna-a thurel te hi Chief Secretary Pu Lalnunmawia Chuaungo chuan chanchinbumite hmaah a puang a. He natna leng avanga chiai lo turin sorkar chuan mipuite a chah a, hrileng denchhena sumdawng thil man ti to an awm anih chuan sorkarin a umzui dawn tih Chief Secretary hian a sawi.