Chite luia plastic paih chharfai hnatlang nei

0
231
views

Mizoram Pollution Control Board hnuaia Mizoram Environmental Information System HUB leh Save Chite Lui Coordination Committee \angkawp in Aizawl khawpui chhunga Eco Club thlan chhuahte nen vawiin khan Chite luia plastic paih chharfai hnatlang an nei. An hnatlang hi Pathianni leh, tun thla ni 22-a Earth Day lo thleng tur hman lawkna a ni a, Chite luia plastic paih hmun hrang hranga darhte chu school thlan chhuah pakua, Govt. Kanan High School, Govt. Dinthar High School, KM Higher Secondary School, Govt. Vaivakawn High School, Govt. Chawnpui High School, Govt. Bawngkawn High School, Govt. Chaltlang High School, Rose Bud School leh St. Stephen High School bakah Govt. J. Thankima College-a Eco Club member ten chharkhawmin a thehthang dan dik taka thehthang turin an la khawm a ni. Hnatlanga pungkhawmte hmaa thusawiin Mizoram Environmental Information System HUB Coordinator, Dr. Lalramnghaki Pachuau chuan mipuite chu plastic thil paih mai mai lo turin mipuite a ngen a, halral a nih pawhin a khu-in boruak a tih chhiat theih dan te, a \awih ral har avanga a tih ral dan dik taka tihral a ngaih thu te a sawi a ni.