Zuangtuia National Institute of Electronics and Information Technology (NIELIT) Centre-in mitdelte tana Computer zirna a buatsaih

0
274
views

Zuangtuia National Institute of Electronics and Information Technology (NIELIT) Centre-in mitdelte tana Computer zirna a buatsaih chu vawiin khan Persons with Disability (PwD) Commissioner, Dr. Lalnunthara’n a hawng.

PwD Commissioner hian rualbanlote tana dan siamte chu Department hrang hrangin an zawm \ha em tih enfiah a nih tur thu a sawi a. Rualbanlote tana hma an laknaah sorkar hna zaa 3 hauhsak \hin chu tun hnaiah zaa 4-ah tihpun a ni a, hemi atana hriattirna chu tun hnai khan DP&AR in a tichhuak tawh tih a sawi. Dr. Lalnunthara chuan, mitdelten awlsam zawka computer an zir theihna tur NIELIT-in a duang chu lawmawm a tih thu leh, an hmalakna chu Mizoram mitdelten an chhawr \angkai ngei a beisei tih a sawi. NIELIT Director, Pu N. Debachandra Singh chuan, NIELIT-in mitdelte tana computer zirna a buatsaih chu hmarchhak biala a hmasa ber a nih thu thu a sawi a, NIELIT hian kawng hrang hrangin Mizo mipuite rawng lo bawl tawh \hin mahse, mitdelte tana Computer zirna hawn tak chu a danglam bik a ni a ti. NIELIT Director chuan, mitdelte tan chauh ni lovin kawng hrang hranga rualbanlote tana thawk turin Mizoram Sorkar chu thawhpui an inhuam reng tih pawh sawiin hemi kawngah hian PwD Commissioner chu anmahni finchhuah turin a ngen nghal bawk.

Mizoram Blind Society-a Vice President, Pu Glory Lalnunthara pawhin thusawiin, tunhma chuan Mizorama mitdelte chu ngaihsak an ni ngai lo tih sawiin, tunah chuan mi\hahnemngaite zarah an tan Durtlang leh Kolasib-ah sikul siam a ni ve ta tih a sawi a. Computer hmanga mitvarte nen inangkhat renga hna an thawh ve theihna tur Computer zirna NIELIT in a siam sak chu Mizorama mitdelten an hman \angkai ngei a beisei tih a sawi. Mitdelte tana Comoputer zirna hi Govt. Hrangbana College-a NIELIT Study Centre-ah kalpui tur a ni a, Class pawh \an thuai tum a ni. Hemi puala inkhawm Zuangtuia NIELIT Centre-a neih hi Technical Officer, Pu R. Dengchhunga’n a kaihruai a, Mizoram Blind Society-a Adviser, Pu Lalbuatsaiha’n mitdelte tana computer hman dan a entir a ni.