Rajya Sabha a Mizoram aiawhtu member, Pu Ronald Sapa Tlau chuan he bill, Rajya Sabha pharh tura ruahman hi Chairman, Pu Venkaiah Naidu chuan Party hrang hrang aiawhte kohkhawmin thil awm dan a sawipuia, Party hrang hrang duhdan angin vawiin chhawhnu dar 12:15 khan pharhloh remtih a ni ta niin a sawia, an lawm zia chu ‘hnara hlit phawi ang huai tih in a hril zolo ‘ niin a sawi a ni.
(Pic with Sound bye)
Pu Ronald Sapa Tlau chuan he bill hi pass a nih loh nan Congress Party bakah party dang member ten nasa takin an bei niin a sawia, BJP kaihhruai Sorkar laipuiah pawh ngaihdan phir a awma, Prime Minister Pu Narendra Modi leh hruaitu dang \henkhatin pass an duh laiin an Party President Amit Shah leh Vice President Pu Venkaiah Naidu-te chu boruak ngaih chan rih duh pawlah an awm niin a sawia, ram chhung hmun hrang hrang leh Hmar chhak biala State hrang hrang a\ang pawhin he bill pass duhlo hian an Chief Minister leh sorkar hruaitute New Delhi-ah an fuankhawm niin a sawia, Mizoram a\angin sorkar aiawh hmel hmuh tur a awm lo chu pawi a tih thu a sawi a, he bill hi pass a nih lohna tura theihtawp chhuahtu zawng zawng hnenah lawmthu a sawi bawk a ni.
