Citizenship Amendment Bill, 2016 chungchang ngaihtuah tur Emergency Committee ko tuin Prism-in Law Minister ngen

0
361
views

Prism-in vawiin khan CM, Pu Lal Thanhawla hova Citizenship Amendment Bill, 2016 chungchang ngaihtuah tura thutkhawm hmanhmawh ko turin Law Minister, Pu Lalsawta an ngen a, Law Minister hnena lehkha an thehluhah Prism chuan, kumin May ni 12-a Law Minister hova thu khawmin, he Bill chungchang hi a rang lama CM, Pu Lal Thanhawla hova tlawmngai pawl, kohhran leh Political Party hrang hrang ngaihtuah atan an dah a, hei hi tun thlenga bawhzui a la ni lo nia an hriat thu sawiin, a ngaihtuah tura thutkhawm koh a nih loh chhan pawh an hriat loh thu leh thla 3 ral hnuah pawh CM-in hun remchang a la nei thei lo nia lang chu mak an tih thu an sawi. Prism chuan, he Bill hi Parliament thlasik thutkhawmah ngaihtuah tura chhawp chhuah a nih dawn avangin a rang thei ang bera bawhzui tul an tih thu leh, CM hian hma a la thei lo a nih chuan hmalakpui tur zawn an duh thu an sawi a, hemi chungchanga CM leh sorkar ngaihdan chu hrilh thuai thei se an duh thu pawh an lehkhaah hian an ziak a ni.

Prism hruaitute hi vawiin khan Upper Republic-a an pawl pisa-ah an thukhawm a, Citizenship (Amendment) Bill, 2016 bawhzui chungchangah CM, Pu Lal Thanhawla chu a che muang lutuk nia an hriat thu leh an ngaih that tawh loh thu an sawi a. He thilah hian CM hian hma a la ngam lo em ni tih chu an zawhna niin an sawi a ni.