Citizenship (Amendment) Bill, 2016 dodal a ni dawn

0
401
views

CM, Pu Lal Thanhawla’n Citizenship (Amendment) Bill, 2016 chu dodal a ni dawn niin a sawi a. Vawiina Congress Bhavan-a thuthar lakhawmtu thenkhatin an kawmnaah he thu hi sawiin, he Bill hi Hindu sakhaw vulh lenna tur a nih avangin Mizoram sorkar pawhin an duh loh thu, sorkar laipuiah a thlen thu a sawi. He Bill a dodal thu hi Thawhlehni kal taa Aizawl Lammuala ram zalenna champha lawmnaa sorkar laipui duh dana India ram thar siam tura thu a tiam pahin a sawi lang tawh tih sawiin CM chuan, he thutiamah hian sakhaw zalenna telh a ni ve lo chu tha lo a tih thu leh telh ni se a that lehzual a rin thu a lo sawi lang tawh niin a sawi.

Law Minister, Pu Lalsawta pawhin he Bill chungchang hi a hova ngaihtuah a ni tawh niin a sawi a. CM hova chiang zawka ngaihtuah zui tura dah a ni a, a ngaihtuahnaah hian Mizoram MP 2 pawh tel ve se an duh thu a sawi a ni.