Citizenship Amendment Bill, 2016 Rajya Sabha-ah phar thlak theih beisei

0
553
views

Rajya Sabha Member, Pu Ronald Sapa Tlau-in Citizenship Amendment Bill, 2016 chu Parliament-ah pharh a nih pawhin, Rajya Sabha-ah phar thlak theih a beiseiawm niin nimina Congress Bhavan-a inkhawmah a sawi a. He Bill-ah hian Muslim leh Kristiante hmaih nia sawiin, sawiselna a tam avangin Kristiante chu telh leh an ni a, a tawpah Kristian-te hi telh an ni dawn em tih pawh a la hriat loh a, he Bill hi pawm a nih chuan hmarchhak bial-a state hrang hrangte a nghawng na zual dawn niin a sawi. Pu Ronald Sapa Tlau chuan, Citizenship Amendment Bill, 2016 hi a hlauhawm avangin vei a ngai tih sawiin, Mizorama tlawmngai pawl hrang hrang intelkhawmin an vei ang hian Political Party-te pawhin an vei ve a ngai a ni, a ti a. Central lama Congress Party hruaitute chuan eptu pawl dangte nen he Bill dodal dan tur hi an ruahman fel tawh nia sawiin, Rajya Sabha-ah chuan phar thlak theih an beisei niin a sawi.