CM hovin Autonomous District Council pathum mamawh sawiho

0
582
views

Vawiin khan CM, Pu Lal Thanhawla hovin sawrkar mi pawimawhte leh Autonomous District Council pathum – Lai, Mara leh Chakma Autonomous District Council hruaituten Autonomous District Council-te chungchanga thil pawimawhte a sawipui a,
ADC-te fimkhur pawimawhna te, tun hnaiah a lo hriat thin thu sawiin, fimkhur taka ram rawngbawl zel turin a chah a ni. CM chuan, inrelbawlna tluk bawkin dik taka sum hman chu, Autonomous District Council-ten harsatna an tawh loh nan a pawimawh tih a sawi. CM hova thu pawimawh sawiho zingah hian Department 19 enkawlna chungchang leh mawhphurhna te, state sorkar atanga Autonomous District Council-te hnena hlan tawh chungchanga sawrkar dinna leh Autonomous District Council-te thil phut chungchang te, sum hmanna tur bik thliar hranna chungchang te leh thil pawimawh dangte pawh a tel a ni.