CM-in Addl. DG, Major Gen. Raju Chauhan leh a thawhpuite kawm

0
417
views

Nimin tlai khan CM, Pu Lal Thanhawla’n a chenna-ah hmarchhak biala National Cadet Corps hotu lu ber, Addl. DG, Major Gen. Raju Chauhan leh a thawhpuite kawmin, NCC hnathawhte a sawipui a, NCC hotu hian hmarchhak bialah Mizo \halaiten NCC an phurpui ber nia sawiin, Mizo \halaite hian duhsak an phu hle tih CM chu a hrilh a, CM-in Lungleia NCC Batallion din, Tuiriala NCC Academy din leh Tuiriala NCC Air Wing din tumna bawhzui a nih dan a zawhna chu chhangin Major Gen. Raju Chauhan chuan, kumin chhung ngei hian heng thil chi thum hi tihpuitlin a beiseiawm niin a sawi. NCC hotu chuan, Mizoram District dangah leh ramri hrula thingtlang khaw lian deuhah te NCC chungchanga \an lakpui turin CM chu a ngen a, NCC chu sipai \an tumte tan chauh ni lovin, mihring siam puitlinna leh \halaite chherna hmanraw \ha tak a nih thu a sawi.