Young Lai Association din champha vawi 43-na pualin Lawngtlai District-a khaw hrang hrangah hun hmang

0
827
views

Vawiin kha Young Lai Association din champha vawi 43-na a ni a, Lawngtlai District-a khaw hrang hrangah YLA Branch-ten anmahni remchan dan angin \anpui ngaite \anpui nan te, khawtlang tana thil \ha tih nante leh intihhlimna atan te an hmang. Bualpui NG Sub Hqrs. hnuaia YLA Branch hrang hrangte chuan hnatlangin khaw chhung thenfai hna an thawk a, Branch \henkhat chuan kum hmasa lama an thingphun humhalh leh samfai ni-ah an hmang a ni. Branch tam tak chuan intihhlimna an nei nghal a, vawiin tlai khan Branch pum huapin ruai an \heh bawk. Sangau Sub Hqrs. hnuaia Branch hrang hrangte pawhin veng chhung tihfai nan leh vantlang tana hna \angkai thawh nan he ni hi an hmang, YLA dintute zinga mi, Pu F. Lalhulha chuan Lai fate duhsakna hlanin YLA chu \anpui ngaite \anpuitu, Lai fate veng himtu leh retheihna a\anga chhanchhuak tura rinawmna leh taimakna pawimawhzia, mipuite zirtirtu a ni tih sawiin, an thil tuma ding nghet tlat turin a fuih a ni.

Siaha Sub Hqrs.-ah pawh YLA Day hi lawm a ni a, a lawmna inkhawm, BRC Hall-a neihah khuallian, MADC-a Executive Member, Pu V. Vanhupa chuan an chenpui, Mara-te nena inpumkhatna \ha tak neia thil an tih ho a \ul thu te, an awm hmun \heuhah member rinawm tak an nih a \ul thute a sawi a, Mara rama Lai fate inpumkhatna tih thupui hmangin seminar neih a ni bawk. He inkhawm hi Siaha Sub Hqrs. YLA President, Pu FC Lalrinawma’n a kaihruai a ni.