Congress chu Mizoram zalenna tur dodaltu niin MNF Sr. Vice President Pu Tawnluia’n a sawi

0
504
views

Congress chu Mizoram zalenna tur dodaltu niin MNF Sr. Vice President Pu Tawnluia’n a sawi. Vawiina Aizawl West I MNF Block Conference luangmuala neihah he thu hi a sawi a, Mizoram buai chhan leh Mizoram in zalenna a hmuh loh chhan pawh Congress vang niin a sawi. Ramri chungchangah MNF in sawi tur an nei lo tih sawi awm chu chhangin Pu Tawnluia chuan, CM hlui Pu Ch Chhunga leilet chu MNF sorkar laia sorkarin a laihzawl sak niin a sawi a, Assam lamin Quarters sak an tum pawh an phal loh avangin an sa thei lo nia sawiin, ramri chinfel a nih theih nan nasa takin hma an la niin a sawi a, an hmalakna te chu Congress sorkarin a chhunzawm ta lo niin a sawi. Pu Tawnluia chuan, kumin Assembly inthlana thuneihna an chan chuan Mizoram, Mizo hnam leh Kristianna himna chu an ngaihpawimawh ber tur a nih thu a sawi a, sorkar rintlak, innghahna tlak, langtlang leh mipui sorkar an siam dawn niin a sawi. Bialtu MLA Pu K Sang\huama pawhin thusawiin ramchhung State hrang hranga Congress an ral ang bawkin Mizoramah pawh kumin Assembly inthlanah nuai reh in an awm dawn niin a sawi a, MNF in Congress a tluk lohna chu dawt sawiah niin a sawi. Pu K Sang\huama chuan, MNF sorkar laia kawng KM 2000 chuang laih leh siam te chu Congress in a chhunzawm duh lo nia sawiin, mipuiin nasa takin an tawrh phah niin a sawi a, mirethei dawmkan leh umbo chu MNF thil tum lian ber a nih thu a sawi.