Khawvel hmasawnna sang chho zelah mipa leh hmeichhia te thiamna leh finna lama an inel mek laiin hmeichhia ten pasal te zah leh chawimawi fo a tul – Sericulture Minister, Pi Vanlalawmpuii Chawngthu

0
645
views

Khawvel hmasawnna sang chho zelah mipa leh hmeichhia te thiamna leh finna lama an inel mek laiin hmeichhia ten pasal te zah leh chawimawi fo a \ul tih Sericulture Minister, Pi Vanlalawmpuii Chawngthu in a sawi. Vawiina Kolasib One Day programme on Gender Sensitization neih hmanpuia thusawiin Pi Vanlalawmpuii Chawngthu hian hmeichhia te hian mipa te thawh theih ang thawk ve thei turin \an an lak a \ul niin a sawi a, Officer emaw, MLA emaw, Minister emaw nih chuan ram leh mipuite tana dik tak leh rinawm taka hnathawh a ngai a ni tih sawiin, vantlang hriata an sum lakluh dan phuloha hausa te chu an ngaihsanawm loh tih sawiin, mahni sum lakluh mil tawka khawsak thiam tum turin mipuite a fuih a ni. Pi Vanlalawmpuii Chawngthu chuan thudik hrechiang lova Social Media-a thu thehdarh ching lo turin mipuite a chah bawk a ni. He Gender Sensitization programme-ah hian Mizoram University-a Prof. Lalneihzovi chuan hmeichhia leh mipa inkara inthliarna chi hrang hrang awm thei leh a kaihhnawih thil \ha lo awm thei te a sawifiah a, Aizawl Theological College-a Prof. T. Vanlaltlani pawhin Mizo chhungkua, khawtlang leh ram inrelbawlnaa Mizo hmeichhia te chawisan leh an mawhphurhna te a sawi bawk a ni.