Congress Legislature Party Leader, Pu Zodintluanga hovin MPCC hruaituten Tripura-a ramria venga duty-te an tlawh.

0
43
views

MPCC hruaitute hian Mamit District-a Darlak, Tuidam, Tuipanglui, New Eden, Kawrthah, Rengdil, Zamuang, Zawlnuam, Bungthuam, Luimawi leh Kanhmun-a Village Level Task Force leh YMA duty-te an tlawh a, Volunteer leh Mizoram Police Duty-te hnenah an mamawh lei nan sum fai engemawzat an pe a. Taitesena Group YMA leh Langkaih Group YMA hnenah tanpuina cheng sing 2 ve ve leh solar lamp engemawzat an pe bawk. Ramri-a Duty-te nen an inkawmnaah CLP Leader, Pu Zodintluanga, MLA chuan, ramria engkim huama rammua duty-te chu an ngaihlu a, a hmun ngeia tlawh kual chu an tih tura an ngaih thu a sawi a. Mizoram tana an tawrhna zawng zawng chu Mizoram mipui leh Congress Party-in an hriatpui a, an thawhrimna hi a thlawn lo ang tih an ring tlat a ni, a ti.

Hachhek bialtu MLA, Pu Lalrindika Ralte pawhin a bial chhunga ramri-a duty volunteer-te chu a pui zel dawn tih a sawi a. Tuna an duty mek aia Mizoram tana thil pawimawh a awm chuang lo a ni, a ti a. Harsatna an neih te rang taka a hnena thlen thin turin a chah bawk.

Congress MLA pahnih hi MPCC Secretary, Lalhmachhuana; MPCC Communication Dept. Chairman, Lalsangzuala Hmar leh MPCC Media Dept. Secretary, Pu C. Lalhriatpuia-ten an tawiawm a, naktukah Assam ramri-a Duty-te an tlawh kual leh dawn a ni.