Hnanthial nula Malsawmkimi kum 30 mi chu vawiin chhun dar 12:30 vel khan Tuichang-ah a tla hlum a, a ruang hi District Hospital Hnahthial-ah Postmortem a nih hnuin vawiin tlai dar 5:00 khan vui a ni.

Malsawmkimi hi a nau pakhat leh an thiante pahnih nen luiah hian an kal a, Tuichang lui-a Motor kaina lei chhak lawk, tunhmaa Tarpho kai an tih hmunah a chesual a ni. Helai hmuna Tiau leh Lung te hi NH 54 siam hna thawh mekah contractor ten an la nasa a, tunhmaa motor tlan kai nana hman thin chu a lo thuk tak avang leh chhinchhiahna engmah siam a nih bawk si loh avangin Malsawmkimi hi chesual ta a ni thei tih Hnahthiala Zonet corr chuan a sawi.